ಲಕ್ಕ ಜಂಬೂದ್ವೀಪವಾಪರಿ
ಲಕ್ಕ ಲವಣ ಸಮುದ್ರ ನಾಲಕು
ಲಕ್ಕ ದ್ವೀಪ ಪ್ಲಕ್ಷ ವಿಕ್ಷು ಸಮುದ್ರವೊಂದಾಗಿ
ಲಕ್ಕವೆಂಟುಸುಶಾಲ್ಮಲಿಯು ಸುರೆ
ಲಕ್ಕ ಷೋಡಶ ಕುಶಘೃತಂಗಳು
ಲಕ್ಕಮೂವತ್ತೆರಡು ಕ್ರೌಂಚದ್ವೀಪ ದಧಿಗೂಡಿ (ಅರಣ್ಯ ಪರ್ವ, ೮ ಸಂಧಿ, ೫೪ ಪದ್ಯ)
ತಾತ್ಪರ್ಯ:
ಜಂಬೂದ್ವೀಪ ಲವಣ ಸಮುದ್ರಗಳು ಒಂದೊಂದು ಲಕ್ಷ ಯೋಜನ ವಿಸ್ತಾರ. ಪ್ಲಕ್ಷ ಇಕ್ಷು ಸಮುದ್ರಗಳು ನಾಲ್ಕು ಲಕ್ಷ. ಶಾಲ್ಮಲಿದ್ವೀಪ ಸುರಾಸಮುದ್ರಗಳು ಎಂತು ಲಕ್ಷ, ಕುಶದ್ವೀಪ ಘೃತ ಸಮುದ್ರಗಳು ಹದಿನಾರು ಲಕ್ಷ, ಕ್ರೌಂಚದ್ವೀಪ ದಧಿಸಮುದ್ರಗಳು ಮುವತ್ತೆರಡು ಲಕ್ಷ.
ಅರ್ಥ:
ಲಕ್ಕ: ಲಕ್ಷ; ದ್ವೀಪ: ನೀರಿನಿಂದ ಆವರಿಸಿಕೊಂಡಿರುವ ಭೂಭಾಗ; ಲವಣ: ಉಪ್ಪು; ಸಮುದ್ರ: ಸಾಗರ; ಷೋಡಶ: ಹದಿನಾರು; ಘೃತ: ತುಪ್ಪ; ದಧಿ: ಮೊಸರು;
ಪದವಿಂಗಡಣೆ:
ಲಕ್ಕ +ಜಂಬೂ+ದ್ವೀಪವ್+ಆ+ಪರಿ
ಲಕ್ಕ +ಲವಣ+ ಸಮುದ್ರ +ನಾಲಕು
ಲಕ್ಕ+ ದ್ವೀಪ +ಪ್ಲಕ್ಷವ್+ಇಕ್ಷು+ ಸಮುದ್ರವೊಂದಾಗಿ
ಲಕ್ಕವ್+ಎಂಟು+ಸುಶಾಲ್ಮಲಿಯು +ಸುರೆ
ಲಕ್ಕ +ಷೋಡಶ +ಕುಶ+ಘೃತಂಗಳು
ಲಕ್ಕ+ಮೂವತ್ತೆರಡು +ಕ್ರೌಂಚ+ದ್ವೀಪ +ದಧಿಗೂಡಿ
ಅಚ್ಚರಿ:
(೧) ಲಕ್ಕ – ೬ ಸಾಲಿನ ಮೊದಲ ಪದ
(೨) ೧, ೨, ೪, ೮, ೧೬, ೩೨ – ಸಂಖ್ಯೆಗಳ ಬಳಕೆ
ಕುಮಾರವ್ಯಾಸಭಾರತ 