ಖಳನ ಹಿಂಸಾಪರನ ಡಂಬನ
ಚಳಮತಿಯ ನಾಸ್ತಿಕನ ನಿಂದಾ
ಕುಳನ ಪರಧನಬಾಧಕನ ದತ್ತಾಪಹಾರಕನ
ಜ್ವಲನದನ ಶಿಶುಘಾತಕನ ಪರಿ
ದಳಿತಧರ್ಮನ ಗತಿಗಳಲಿ ತಾ
ನಿಳಿವೆನೆಂದೇ ಕೊಲ್ಲದಿರ್ದರೆ ಸೂತನಂದನನ (ಕರ್ಣ ಪರ್ವ, ೧೮ ಸಂಧಿ, ೭ ಪದ್ಯ)
ತಾತ್ಪರ್ಯ:
ದುಷ್ಟ, ಹಿಂಸಾಪರ, ದಾಂಭಿಕ, ಚಂಚಲ ಮತಿಯುಳ್ಳವನು, ನಾಸ್ತಿಕ, ನಿಂದೆಯಲ್ಲೇ ಇರುವವನು, ಪರದ್ರವ್ಯಾಪಹಾರಿ, ದತ್ತಾಪಹಾರಿ, ಮೋಸದಿಂದ ಪರರ ಆಸ್ತಿಗೆ ಬೆಂಕಿ ಹಚ್ಚುವವನು, ಶಿಶುಘಾತಕಿ, ಧರ್ಮಹೀನ, ಇವರ ಗತಿಯು ಇಂದೇ ಕರ್ಣನನ್ನು ಕೊಲ್ಲದಿದ್ದರೆ ನನಗೆ ಬರಲಿ.
ಅರ್ಥ:
ಖಳ: ದುಷ್ಟ; ಹಿಂಸ: ತೊಂದರೆ; ಡಂಬನ: ಡಿಂಬ, ದೇಹ; ಚಳಮತಿ: ಅಲುಗುವ ಬುದ್ಧಿ; ನಾಸ್ತಿಕ: ನಿರೀಶ್ವರವಾದಿ; ನಿಂದನೆ: ಬಯ್ಗಳು, ದೂಷಣೆ; ಆಕುಳ: ; ಪರಧನ: ಬೇರೆಯವರ ಹಣ; ಬಾಧಕ: ತೊಂದರೆ ಮಾಡುವವನ; ದತ್ತ: ಲಭ್ಯ, ಕೊಡಲ್ಪಟ್ಟ; ಅಪಹಾರ: ಕಿತ್ತುಕೊಳ್ಳುವುದು; ಜ್ವಲನ: ಪ್ರಕಾಶಿಸು, ಹೊಳೆಯುವಿಕೆ; ಶಿಶು: ಚಿಕ್ಕ ಮಗು; ಘಾತಕ: ಕೊಲೆಗೆಡುಕ; ಪರಿದಳಿತ: ; ಅಧರ್ಮ: ನ್ಯಾಯವಲ್ಲದುದು; ಗತಿ: ಸ್ಥಿತಿ; ಕೊಲ್ಲು: ಸಾಯಿಸು; ಸೂತ: ರಥವನ್ನು ಓಡಿಸುವವ; ನಂದನ: ಮಗ;
ಪದವಿಂಗಡಣೆ:
ಖಳನ +ಹಿಂಸಾಪರನ +ಡಂಬನ
ಚಳಮತಿಯ +ನಾಸ್ತಿಕನ +ನಿಂದಾ
ಕುಳನ +ಪರಧನ+ಬಾಧಕನ+ ದತ್ತಾಪಹಾರಕನ
ಜ್ವಲನದನ+ ಶಿಶುಘಾತಕನ+ ಪರಿ
ದಳಿತ+ಧರ್ಮನ +ಗತಿಗಳಲಿ +ತಾ
ನಿಳಿವೆನ್+ಇಂದೇ +ಕೊಲ್ಲದಿರ್ದರೆ +ಸೂತ+ನಂದನನ